10 aylıq körpə ailəsini xilas etdi
06.01.2014 - 02:34
Türkiyənin Bursa şəhərində 10 aylıq körpə ağladığı üçün bütün ailəsini
xilas edib. Belə ki, körpə ağlamasa, qaz sobasından evə dolan zəhər
nəticəsində bütün ailə həyatını itirə bilərdi. 27 yaşlı ata Sadık
Birinci bildirib ki, hər şey 10 aylıq körpələrinin gecə saat 2-də oyanıb
aramsız ağlaması ilə başlayıb. Onu beşikdə yırğalamağa çalışan hamilə
anası susdurmağa nail ola bilməyib. Bu zaman hər iki valideynin halı
pisləşib və yataqdan qalxa bilməyərək, qonşu otaqdakı ailə üzvlərini
çağırıblar. Bir neçə gün zəhərlənmədən xəstəxanada müalicə olunan ailə
sonda sağalıb: “Körpəm bütün ailənin, bir ay sonra dünyaya gələcək
qardaşının da həyatını xilas etdi. Allah hər kəsə belə övlad nəsib
etsin”.
Short URL: http://www.cumhuriyyet.net/?p=3211
