Bayram günün hava proqnozu

Ветер в поле

Ekologiya və Təbii Sərvətlər Nazirliyinin Milli Hidrometeorologiya Departamentindən ANS PRESS-ə verilən məlumata görə, iyulun 17-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Şimal-qərb küləyi əsəcək, arabir güclənəcək.

Sabah Bakıda və Abşeron yarımadasında havanın temperaturu gecə 20-24˚, gündüz 25-29˚ isti olacaq.

Azərbaycanın rayonlarında iyulun 16-da şimşək çaxacağı, arabir yağış yağacağı gözlənilir. Qərb küləyi əsəcək, ayrı-yarı yerlərdə arabir güclənəcək. Havanın temperaturu aran rayonlarında gecə 20-25˚, gündüz 28-33˚, dağlarda gecə 13-18˚, gündüz 22-26˚ isti olacaq.

Ötən gün Ekologiya və Təbii Sərvətlər Nazirliyinin Milli Hidrometeorologiya Departamentini hava ilə bağlı xəbərdarlıq yayıb. Xəbərdarlıqda qeyd edilir ki, iyulun 16-sı gündüzdən ikinci ongünlüyün sonunadək ölkə ərazisində hava şəraiti qeyri-sabit keçəcək.

İyul ayının 16-dan 20-dək şimal-qərb küləyinin ayrı-ayrı yerlərdə arabir güclənəcəyi, şimşək çaxacağı, fasilələrlə yağış yağacağı, bəzi yerlərdə leysan xarakterli olacağı gözlənilir. Havanın temperaturu tədricən 4-8˚ aşağı enəcək.

Short URL: http://www.cumhuriyyet.net/?p=28326