MƏMMƏD ABBASOVUN 70 İLLİK YUBİLEYİDİR – Fotolar
Bu gün Naxçıvanın nüfuzlu dövlət xadimlərindən birinin – MR Baş nazirinin sabiq müavini, sabiq kənd təsərrüfatı naziri Məmməd Abbasovun 70 illik yubileyidir.
M.Abbasov uzun illər Naxçıvanda yüksək vəzifələrdə çalışıb, 2013-cü ilin fevral ayında Baş nazirin müavini – kənd təsərrüfatı naziri vəzifəsindən pensiyaya çıxıb.
M.Abbasov Sovet hakimiyyəti vaxtlarından üzübəri Naxçıvan hakim elitasının ən parlaq nümayəndələrindən biri olub. O, uzun illər Naxçıvanda yüksək vəzifələrdə işləməsinə baxmayaraq, heç vaxt nəfsinin quluna çevrilmədiyindən, xalqa ləyaqətlə xidmət etdiyindən Naxçıvan camaatı arasında böyük hörmət və nüfuz sahibidir. Hələ Sovet hakimiyyəti vaxtlarında Heydər Əliyevlə yaxşı münasibətləri olmuş M.Abbasov, 90-cı illərin əvvəllərində – H.Əliyev Naxçıvan Ali Məclisinin sədri vəzifəsində işləyəndə də onunla çiyin-çiyinə çalışıb. Bu etimad sayəsində də uzun illər Naxçıvan MR Baş nazirinin müavini – kənd təsərrüfatı naziri vəzifəsini tutub.
Hazırda Bakıda yaşayan M.Abbasov, bir müddət əvvəl “AzPolitika”nın “Hazırda nə işlə məşğul olursunuz” sualına belə cavab vermişdi: “İstirahət edirəm. 47 ildən artıq iş stajım var, onun 32 ilini dövlət qulluğunda keçirmişəm. Çoxdankı arzum idi ki, təqaüdə çıxım, sərbəst yaşayım, ev-ailə qayğılarilə məşğul olum, nəvələrimlə vaxt keçirim. Eyni zamanda ölkəmizin gəzməli-görməli rayonlarına, xaricə səfərlər edim. Artıq 5 ildir ki, bu arzularım həyata keçir. Mənə daha nə lazımdır?!…”
Məmməd müəllimi – Naxçıvan elinin dəyərli ağsaqqallarından birini 70 illik yubileyi münasibətilə təbrik edirik!
“AzPolitika”
Short URL: http://www.cumhuriyyet.net/?p=131984
