Ermənistan 3 rayonun mina xəritəsini Azərbaycana verəcək
31.01.2024 - 14:59
Xəbər verdiyimiz kimi, Azərbaycan və Ermənistan sərhəd komissiyalarının növbəti iclası başlayıb. Görüşdə Azərbaycan heyətinə Baş nazirin müavini Şahin Mustafayev, Ermənistan tərəfdən isə Mher Qriqoryan rəhbərlik edir. AzTV görüş barədə bir sıra məqamları açıqlayıb.
Bildirilir ki, görüş zamanı Ermənistan 3 rayonun mina xəritəsini Azərbaycana təhvil verəcək. Tərəflər sülh müqaviləsinin üzrə işlərin daha da sürətləndirilməsi istiqamətində müzakirələr aparacaq.
Qeyd edək ki, bir müddət əvvəl Ermənistan Milli Təhlükəsizlik Xidməti Azərbaycana yeni mina xəritələri verəcəyini açıqlayıb. Ermənistanın təqdim etdiyi mina xəritələrin yararsız və natamamlığı dəfələrlə bildirilib.
Short URL: http://www.cumhuriyyet.net/?p=198305
