“Avro-2016″nın seçmə mərhələsində ilk qələbəni qazandıq: Azərbaycan-Malta 2:0
Bu gün “Avro-2016”nın seçmə mərhələsinin H qrupunda Azərbaycan milli komandası növbəti matçına çıxıb. ANS PRESS-in məlumatına görə, Robert Prosineçkinin rəhbərlik etdiyi millimiz doğma meydanda Malta ilə qarşılaşıb. Qeyd edək ki, bu oyun xorvatiyalı mütəxəssis üçün millimizdə ilk rəsmi oyun idi.
Turnir cədvəlinin sonunca pilləsində qərarlaşan komandamız seçmə mərhələdə keçirdiyi dörd qarşılaşmada xala həsrət qalıb. Millimiz qrupun autsayderlərindən olan Malta ilə görüşdə üç xal qazanıb. Cavid Hüseynov qarşılaşmanın 4-cü dəqiqəsində Azərbaycan millisi önə çıxarıb. Oyunun artırılma dəqiqələrində Dmitriy Nazarov baxımlı qol vurmaqla hesabı 2:0-a çatdırıb.
Qələbə sayəsində yığmamız sonuncu pillədən qurtula bilib.
Azərbaycan – Malta – 2:0
Qollar: Cavid Hüseynov, 4 (1:0), Dmitri Nazarov, 90+2 (2:0)
Short URL: http://www.cumhuriyyet.net/?p=20062
