Bəzi vizalar üçün dövlət rüsumları ləğv edildi
24.06.2016 - 17:09
Prezident İlham Əliyev “Dövlət rüsumu haqqında” qanunda dəyişiklik edilməsi barədə qanunu imzalayıb.
Virtualaz.org bildirir ki, sənədə əsasən, Azərbaycanda və ya Azərbaycanın xarici ölkələrdəki diplomatik nümayəndəliklərində aparılan konsul əməliyyatları üçün dövlət rüsumunun dərəcələri dəyişdirilib.
Dəyişikliyə əsasən, bundan sonra birdəfəlik giriş vizalarının rəsmiləşdirilməsi üçün 50 ABŞ dolları deyil, 20 ABŞ dolları rüsum ödəniləcək.
Qanuna edilən digər dəyişikliyə görə, turizm vizalarının və şəxsi müqavilə ilə təhsil alan tələbələrin, tranzit vizalarının rəsmiləşdirilməsi, eləcə də birdəfəlik və ikidəfəlik tranzit vizası üçün tələb olunan dövlət rüsumları ləğv edilib.
Short URL: http://www.cumhuriyyet.net/?p=68070
