Axtarış elanındakı fotosunu bəyənmədi, polisə müraciət etdi
Böyük Britaniyada polis tərəfindən axtarışda olan şəxs uğursuz fotosuna görə şikayət edib.
Bu haqda lenta.ru saytı UPI-yə istinadən xəbər verib. Cənubi Uelsin departament polisi xəbər yayıb ki, 35 yaşlı Ueyn Esmond silahlı basqında ittiham olunur. Onlar bu şəxsin fotosunu da polis idarəsindən Facebook səhifəsində yayıblar. Bu foto və altındakı axtarış mətninə şərh yazanlardan biri də Esmond olub. O, belə yazıb: “Bu, heç də mənim yaxşı fotom deyil. Onu ordan silsəniz, çox minnətdar olaram. Mən əksi sübut edilənə qədər cinayətkar sayılmıram və bunun bu cür təqdim olunmasından da narazıyam”.
Esmond öz vəkili ilə məsləhətləşəndən sonra polisə təslim olub. Polis departamentində isə onun bu xahişini yerinə yetirərək, sözügedən fotosunu siliblər. Amma artıq gec idi. Çünki həmin vaxta qədər şəkili yerli KİV-lər çap etmişdilər.
2016-cı ildə isə Avstraliyada türmədən qaçmış Emi Şarp adlı qadın axtarış elanının altındakı fotosunun silinməsini tələb edib. Amma daha sonra onu yenidən həbs ediblər.
Short URL: http://www.cumhuriyyet.net/?p=97851
