Naxçıvanda oxunması zəruri olan kitabların siyahısı təsdiq edilib – SİYAHI

29.08.2017 - 09:28

Naxçıvan Muxtar Respublikasında oxunması zəruri olan kitabların siyahısı təsdiq edilib.

“Report” xəbər verir ki, Ali Məclisinin Sədri Vasif Talıbov bu barədə müvafiq sərəncam imzalayıb.

NMR Konstitusiyasının 5-ci maddəsinin II hissəsinin 22-ci bəndini rəhbər tutaraq imzalanan qərarda bildirilir:
1. Gənc nəsildə vətənpərvərliyin, tarixə, milli kökə bağlılığın və dünyagörüşün formalaşdırılmasına xidmət edən “Oxunması zəruri olan kitabların siyahısı” təsdiq edilsin.
2. Bu Sərəncamın 1-ci hissəsinə uyğun olaraq təhsil və mədəniyyət müəssisələrinin kitabxanalarında müvafiq kitab guşələri yaradılsın.
3. Ali Məclisin Aparatı oxunması zəruri olan kitabların siyahısının zənginləşdirilməsi işini diqqətdə saxlasın.
Oxunması zəruri olan kitabların siyahısı
1. Azərbaycan xalqının ümummilli lideri Heydər Əliyevin Yeni 2001-ci il, Yeni əsr və Üçüncü minillik münasibətilə Azərbaycan xalqına müraciəti
2. “Kitabi-Dədə Qorqud” dastanı
3. “Atalar sözü” (Azərbaycan xalq ədəbiyyatı)
4. Nizami Gəncəvi. “Sirlər xəzinəsi”. Poema
5. “Nizaminin hikmət və nəsihətləri”
6. Nəsirəddin Tusi. “Əxlaqi-Nasiri”
7. Məhəmməd Tağı Sidqi. “Məktəb hekayələri”
8. Hüseyn Cavid. “Azər”. Poema
9. Cəlil Məmmədquluzadə. “Hekayələr”
10. Məmməd Səid Ordubadi. “Qılınc və qələm”. Roman
11. Qurban Səid. “Əli və Nino”. Roman
12. Məmmədhüseyn Şəhriyar. “Heydərbabaya salam”.
Poema
13. “Təmsillər” (uşaq ədəbiyyatı)
14. ABŞ-ın 16-cı prezidenti Avraam Linkolnun oğlunun
müəlliminə məktubu
15. Faruk Sumer. “Oğuzlar”
16. Rəşidəddin Fəzlullah. “Oğuznamə”
17. Yusif Balasaqunlu. “Qutatqu bilik”
18. Teodor Drayzer. “Dahi”. Roman
19. Cek London. “Həyat eşqi”. Hekayə
20. Ernest Heminquey. “Qoca və dəniz”. Povest
21. Nikolo Makiavelli. “Hökmdar”
22. Gi de Mopassan. “Gombul”
23. Antuan de Sent-Ekzüperi. “Balaca şahzadə”
24. Nikolay Ostrovski. “Polad necə bərkidi”. Bioqrafik
roman
25. Moris Meterlink. “Arıların həyatı” və “Göy Quş”
əsərləri
26. “Mister Hemferin xatirələri”. (İngilis casusunun etirafları)
27. Seyid Əzim Şirvani. “Seçilmiş əsərləri”. (Təmsillər)
28. “İslamda müdrik kəlamlar”
29. Sədi Şirazi. “Gülüstan”
30. Eynəli bəy Sultanov. “Məqalələr”