Ağ Ev 4 iyul paradına paslanmış tankları çıxarıb

Bu gün ABŞ-ın dövlət müstəqilliyi günüdür.

Birləşmiş Ştatlar prezidenti Donald Tramp son 30 ildə ilk dəfə bayramı hərbi paradla qeyd etmək qərarına gəlib.

Lakin xarici agentliklərin yazıdğına görə, bayramda nümayiş etdiriləcək hərbi maşınlar paslı və silahsızdır.

Qeyd olunur ki, paytaxt Vaşinqtonda Linkoln memorialının qarşısına qoyulan iki “Bredli” PDM-də köhnə və pasların olduğu aşkar görünür. Maşınlaırn üzərindəki 25 millimetrlik pulemyotun lüləsi çıxarılıb, onun yerinə isə yaşıl skoç yapışdırılıb. Maşınların qülləsindəki optik cihazlar da yoxdur, onu skoçla bərkidilmiş kartonla örtüblər.

Bundan başqa şəhərin küçələrində iki “Abrams” tankı, “Humvee” zirehli maşın, “M88” zirehli təmir-evakuasiya maşını da eyni görünüşdə gözə dəyir. Pentaqon isə onların Milli Xiyabana gətirilməzdən qabaq təmizləndiyini bildirib.

Hərbi maşınlar paytaxta gətirildikdən sonra “CodePink” hərb əleyhinə hərəkatın fəalçıları nümayiş keçiriblər. Onlar milli bayramın hərbiləşdirilməsinə etiraz ediblər.

Aktivistlər maşınlara “Sağ olun, lakin tanklar lazım deyil” (ingilizcə: T’anks, but no tanks) plakatları iə yaxınlaşıblar. Bundan başqa, onlar ABŞ prezidentini də “unutmayıblar. Piketçilərin əllərində”uşaq bezi ilə əlində mobil telefon olan, qəzəblənmiş körpə Tramp” oyuncaqları olub.

CNN-in verdiyi xəbərə görə, bu gün ABŞ prezidneti Donald Tramp Linkoln memorilaında giriş sözü ilə çıxış edəcək. Dövlət başçısının ölkəsini hərbi qüdrəti, sahil mühafizə xidməti, hərbi-hava qüvvələri,dəniz piyadaları korpusu haqqında danışması gözlənilir.

Çıxış zamanı şəhərindən üzərindən hərbi qırıcılar və helikoperlər də uçurlacaq.

Musavat.com

Short URL: http://www.cumhuriyyet.net/?p=129194