Qarabağda ağır döyüşlər – ATƏT bəyanat yaydı: Əsgər meyitlərinin götürülməsinə şərait yaradılsın

ATƏT-in Minsk qrupunun həmsədrləri Ermənistan-Azərbaycan qoşunlarının təmas xəttində vəziyyətin gərginləşməsi ilə bağlı bəyanat yayıblar. Bəyanatda bildirilir ki,  həmsədrlər Azərbaycan və Ermənistan Müdafiə nazirliklərindən və digər mənbələrdən fevralın 25-də səhər təmas xəttində atəşkəs rejiminin ciddi surətdə pozulduğu və insan tələfatı olduğu barədə məlumat alıblar.
“Həmsədrlər tərəfləri təmas xətti yaxınlığındakı ağır texnikanı əvvəlki mövqelərə çəkməyə və dünən ATƏT-in şəxsi nümayəndəsinin vasitəçiliyi ilə əldə edilən razılaşmaya uyğun olaraq cəsədlərin evakuasiyasının təmin edilməsinə çağırır” deyə bəyanatda vurğulanır. Həmsədrlər həmçinin də tərəfləri güc tətbiq etməmək barədə öhdəliyə əməl etməyə çağırır.
Xatırladaq ki, Azərbaycan Müdafiə Nazirliyi təmas xəttinin Xocavənd istiqamətində döyüşlər zamanı ordumuzun itki verdiyini bildirib, lakin itkiləriin sayını açıqlamayıb. Bununla belə şəhid olan hərbçilərimizin cəsədələrinin neytral zonada qaldığı məlumdur.

Short URL: http://www.cumhuriyyet.net/?p=89175