Bakıda həbs edilən ermənidən – Etiraz
Bakıda həbs edilən Rusiya vətəndaşı, erməni əsilli Marat Ueldanov barəsində olan hökmdən apelyasiya şikayəti verib.
APA-nın məlumatına görə, ilkin baxış iclası iyunun 23-nə təyin edilib. İclas Bakı Apelyasiya Məhkəməsində hakim Əflatun Qasımovun sədrliyi ilə keçiriləcək.
Bakı Ağır Cinayətlər Məhkəməsinin hökmünə əsasən, M.Ueldanov 8 il müddətinə azadlıqdan məhrum edilib.
Qeyd edək ki, 2016-cı il iyulun 28-də Bakıda Rusiya vətəndaşı Marat Ueldanov saxlanılıb. Ona qarşı narkotiklərin qanunsuz dövriyyəsi ittihamı irəli sürülüb. Bundan sonra Ermənistan mətbuatı və Rusiyadakı ermənipərəst KİV M.Ueldanovun bacısı Marianna Mirzoyana istinadən məlumat yayıblar ki, guya M.Ueldanov erməni olduğuna görə saxlanılıb. Bacısının dediyinə görə, Marat həyat yoldaşının soyadını götürüb.
Short URL: http://www.cumhuriyyet.net/?p=95321
