Gürcüstanın builki yanacaq idxalının 14%-i Azərbaycanın payına düşüb
Bu ilin yanvar-oktyabr aylarında Gürcüstan 890,9 min ton benzin və dizel yanacağı idxal edib.
“Report”un yerli bürosu xəbər verir ki, bu barədə Gürcüstanın Neft Məhsulları İdxalçıları Birliyi məlumat yayıb.
Qonşu ölkənin yanacaq idxalı illik müqayisədə 19,3 min ton və yaxud 2,1% azalıb.
İdxal olunan yanacağın 456,3 min tonu benzin, 434,6 min tonu isə dizel olub. Benzinin idxalında 1% artım, dizelin idxalında isə 5,2% azalma qeydə alınıb.
Bu ilin ilk 10 ayında Gürcüstan yanacağın böyük hissəsini Rusiyadan (274,6 min ton) tədarük edib.
Gürcüstan Ruminiyadan 243,3 min ton, Azərbaycandan 124,2 min ton, Türkmənistandan 103,7 min ton, Bolqarıstandan 77,9 min ton, Yunanıstandan 49,6 min ton, Türkiyədən isə 16 min ton benzin və dizel yanacağı tədarük edib. Hesabat dövründə Azərbaycandan alınan yanacağın qonşu ölkənin ümumi yanacaq idxalındakı payı 13,9% təşkil edib.
Short URL: http://www.cumhuriyyet.net/?p=136669
