Devalvasiya olacaq, yoxsa yox, yaxud da nə etməli? (ŞƏRH)

09.03.2020 - 11:28
Azərbaycandan və ölkədən kənarda yaşayanlardan manatın taleyi ilə bağlı xeyli suallar daxil olmaqdadır.
Qaynarinfo xəbər verir ki, bu sözləri iqtisadçı-ekspert Qubad İbadoğlu Azərbaycan neftinin 32 dollaradək ucuzlaşmasını şərh edərkən qeyd eləyib. Ekspert demək olar ki, hamının vəziyyətinin eyni, müraciətlərin də oxşar olduğunu vurğulayıb:
“Çoxunu banklarda manatla olan əmanətlərin taleyi narahat edir. Bildirmək istəyirəm ki, neftin ucuzlaşan qiymətinin uzun müddətli (ən azı 3 ay) dövrdə sabit qalması və ya onun daha da ucuzlaşması höküməti yenidən devalvasiya getməyə məcbur edəcək.
Bilirsiniz ki, bu qərarı Mərkəzi Bank verməlidir. Mərkəzi Bank malik olduğu 6,4 milyard dollarlıq valyuta ehtiyatları hesabına bu prosesi ləngidə bilər, lakin onun qarşısını ala bilməz”.
Qubad İbadoğlunun fikrincə, manatın devalvasiyası bu dəfə əvvəlki kimi kəskin olmayacaq, yumşaq formada aparılacaq:
“Çünki hazırda birmənalı şəkildə devalvasiya ehtimalını artıran iqtisadi və siyasi faktorlar fəaldır. Sadəcə bu, zamana bağlı məsələdir. Odur ki, manatla əmanəti olanların 2 yolu vardır. 1) Manatla olan əmanəti dollara çevirmək, bu halda faiz gəlirlərindən itkilərlə üzləşsələr də, vəsaitlərini bəziləri tam və bəziləri isə qismən qoruya biləcəklər. Çünki bu dalğada bağlanan və ya birləşən banklar olacaq. 2) Əmanətləri geri çəkib daha risksiz bazarlara sərmayə qoymaq. Məsələn, hazırda qızıla sərmayə daha etibarlı hesab olunur və yaxud da ucuzlaşan əmlak, mülk, torpaq almaq. Amma nəzərə alın ki, bu bazarlarda uğur qazanmaq üçün də sərmayəni düzgün zamanında yerləşdirmək və idarə etmək vacibdir”.

Short URL: http://www.cumhuriyyet.net/?p=143730

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2025
BE ÇA Ç CA C Ş B
 12
3456789
10111213141516
17181920212223
24252627282930
31