Azərbaycan dollardan imtina edə bilər?

07.07.2024 - 13:50

Rusiyanın Çindəki səfiri İqor Morqulov BRİKS ölkələrinin dollardan imtina etməsinin mükünlüyündən danışıb. O, vahid valyuta üzərində danışıqlar aparıldığını bildirib. Sitat: “Biz dolların üstünlük təşkil etdiyi məkanı tərk edirik və həqiqətən müstəqil maliyyə sistemi üçün mexanizm və alətləri inkişaf etdiririk. Onun yaradılması yaxın gələcəkdə mümkün deyil, lakin bu istiqamətdə atılan addımlar göz qabağındadır”.
Azərbaycan Şanxay Əməkdaşlıq Təşkilatının Astanada keçirilən Zirvə toplantısında BRİKS-ə üzv olmaq arzusunu ifadə edib. Ölkəmizin Şərq Blokuna yaxınlaşması açıq görünür. Bu, deməyə əsas verirmi, Azərbaycan gələcəkdə dollardan imtina edə bilər? Mövzunu Globalinfo.az-a şərh edən İqtisadi Resursların Öyrənilməsi Mərkəzinin sədri Ruslan Atakişiyevin sözlərinə görə, dollardan imtina məsələsi beynəlxalq qlobal maliyyə böhranından sonra aktuallaşıb.
O deyib ki, bu məsələ aktuallaşsa da, reallaşdırılmayıb: “Bunun səbəbi ondan ibarətdir ki, həmin ölkələr dollara alternativ olaraq onu əvəz edən və ya öz valyutaları ilə ticarət məsələsində müəyyən diskussiyalar aparırlar. BRİKS ölkələri arasında da dollarla mübadilə məsələsi hələ ki, dövlətlərin alış-satışında həyata keçirmə ilə olur. Çünki adi şirkətlər arasında beynəlxalq ticarətdə yenə də dollardan istifadə edilir”.
İqtisadçının fikrincə, Azərbaycanın hazırda dollardan imtina etməsi gözlənilmir: “Azərbaycanın ikitərəfli münasibətləri, Türkiyə, Rusiya ilə əlaqələri var və bəzi hallarda ikitərəfli müqavilələrdə bu məsələlər nəzərə alınır. Bəzən də həyata keçirilir. Sadəcə, bunu geniş bir şəkildə etmək olmur. Bir sözlə, dollardan tamamilə imtina məsələsi hələ gündəmdə deyil. Çünki onun maliyyə və iqtisadi əsaslandırılması olmalıdır”.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=202501

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

İyul 2024
BE ÇA Ç CA C Ş B
1234567
891011121314
15161718192021
22232425262728
293031