Cahangir Hacıyevin şirkəti milyarderin əlinə keçir

Beynəlxalq Bankın keçmiş rəhbəri Cahangir Hacıyevin nəzarətində “Azərinşaatservis” iş adamı Hafiz Məmmədova verilə bilər. Bu barədə istiqlal.az-a daxil olan məlumatda deyilir ki, artıq bununla bağlı Hafiz Məmmədovla danışıqlar aparılır. İş adamının bir neçə gün əvvəl “Azərinşaatservis”in necə talan olunması ilə bağlı sensasion açıqlamalar verməsi də bununla bağlıdır.

Hafiz Məmmədovun “Azərinşaatservis”in əsas payçılarından olub. Bu şirkətə 285 milyon manat yatırım edib. Sonradan şirkəti tamamilə almaq istəyib. Lakin “Azərinşaatservis”in payçılarından olan Cahangir Hacıyev hissəsini güzəştə getməyib. Bundan əlavə müxtəlif vasitələrlə Hafiz Məmmədovu oyundan kənar vəziyyətə salıb. Hafiz Məmmədovun qoyduğu vəsaitin qaytarılmaması bir yana “Azərinşaatservis”in Beynəlxalq Banka olan yüksək faizli(18 faiz) kredit borcu da ondan tələb olunub.

Məlumatda deyilir ki, Cahangir Hacıyevin idarəçiliyi altında müflis olan “Azərinşaatservis”in işçilərinin davamlı olaraq maaş tələbi ilə aksiyalar keçirməsi “yuxarılar”da narahatlığa səbəb olub. Çıxış yolu kimi şirkətin yenidən dirçədilməsi qərara alınıb. “Azərinşaatservis”in idarəçiliyinin isə Hafiz Məmmədova verilməsi məqsəduyğun sayılıb. Lakin Hafiz Məmmədov 285 milyonu tələb edir. Mənbə bildirir ki, iş adamının “Azərinşaatservis”in dirçəldilməsinin mümkün olduğunu deməsi də 285 milyon məsələsində hələ ki razılığın əlda olunmaması ilə bağlı ola bilər.

Short URL: http://www.cumhuriyyet.net/?p=42336