“Unibank”ın rəhbərliyində dəyişiklik
Fins.az xəbər verir ki, Müşahidə Şurasının üzvü Andreas Zayslerin yerinə Michael Neumayr təyin edilib. Michael Neumayr “Unibank”ın səhmdarlarından biri olan Almaniya İnvestisiya Şirkətinin (DEG) nümayəndəsidir.
“Unibank” ASC-nin Müşahidə Şurasının sədri Eldar Qəribov, müavini isə Vaqif Qəriblidir.
Şüranın isə 6 üzvü var: Culian Hili, Michael Neumayr, Ernst Velteke, Elxan Qəribli, Samir Balayev və Emin Quliyev.
İDARƏ HEYƏTİNDƏ DƏ DƏYİŞİKLİK VAR
“Unibank” ASC-nin İdarə Heyətinin tərkibində dəyişiklik baş verib. Asəf Hüseynov risklərin idarə edilməsi üzrə direktor, İdarə Heyətinin üzvü, baş risk inzibatçısı təyin edilib. Bundan əvvəl həmin vəzifəni Azad Qasımov tutub.
Qeyd edək ki, hazırda Bankın İdarət Heyətinin tərkibi sədr Faiq Hüseynov və iki üzv – Asəf Hüseynov və Emin Rəsulzadədən ibarətdir. E.Rəsulzadə həm maliyyə direktoru, həm də baş maliyyə inzibatçısıdır.
Short URL: http://www.cumhuriyyet.net/?p=54691