Bank-sığorta sektorunda 112 şirkət bağlanıb

19.10.2016 - 15:36

3c1ae65f-3af3-415c-b65a-69d3315572f6_cx0_cy9_cw0_w987_r1_s_r1Neftin dünya bazarında dəyər itirməsi onun yüksək qiymətləri fonunda yaxşı qazanc götürən maliyyə sektorunun vəziyyətinə pis təsir edib. Dövlət Statistika Komitəsinin bilgilərinə görə, bu ilin 9 ayında bağlanan hər 6 şirkətdən biri bank-sığorta sektoruna aid olub.

AZI 2700 MALİYYƏÇİ İŞSİZ QALIB

Maliyyə xidmətləri bazarında fəaliyyət göstərən şirkətlərin bağlanması, azı, 2700 nəfərin işsiz qalması ilə nəticələnib. Əmək və əhalinin sosial müdafiəsi naziri Səlim Müslümov mətbuata açıqlamasında demişdi ki, vaxtilə banklarda və valyuta dəyişmə məntəqəsində çalışmış 2700 şəxs məşğuluq mərkəzlərinə müraciət edib.

DSK-nın Statistik Vahidlərin Reyestrinə görə, bu ilin əvvəlindən bu yana maliyyə sektorunda 70 yeni şirkət qeydiyyatdan keçib. Oktyabrın 1-nə maliyyə xidmətləri bazarında işləyən şirkətlərin sayı 1545-ə çatıb.

CƏMİ 65 XARİCİ ŞİRKƏT QAPANIB

Ümumiyyətlə, 2016-cı ildə Azərbaycanda 738 müəssisə və təşkilat bağlanıb. Onların 325-i regionların payına düşür. Bunların 100-nü dövlət yaratmışdı.

Bu dövrdə həm də 60 xarici sərmayəli və 5 birgə müəssisə bağlanıb.

Ləğv olunan şirkətlərin 213-ü ticarət və nəqliyyat vasitələrinin təmiri, 25-i kənd təsərrüfatı, 33-ü emal sənayesində fəaliyyət göstərib. İlin əvvəlindən 36 tikinti şirkəti qapısını birdəfəlik bağlayıb.

8 MİN XARİCİ SƏRMAYƏLİ ŞİRKƏT VAR

Oktyabrın əvvəlinə Azərbaycanda hüquqi şəxs statusu almış 105 min 600 müəssisə və təşkilatın 91 min 417-si mənfəət götürmək məqsədilə yaradılıb. Yerdə qalan qurumların 1701-i bələdiyyələr və bələdiyyə mülkiyyətində olan müəssisələrdir. Dini qurumlar, qeyri-hökumət təşkilatları da bu sıradadır. Qalan təşkilatlar dövlət idarəetməsi, təhsil, səhiyyə, elm, sosial və müdafiə sahələrinə aiddir.

Şirkətlərin 8 mini xarici sərmayəlidir. Bu il 380 tam xarici sərmayəli şirkət qurulub.

Short URL: http://www.cumhuriyyet.net/?p=79577

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2025
BE ÇA Ç CA C Ş B
 12
3456789
10111213141516
17181920212223
24252627282930
31