Azərbaycan OPEC görüşündə hasilatın azaldılması ilə bağlı öz təklifini verəcək
08.12.2016 - 14:04
Azərbaycan OPEC və təşkilata üzv olmayan ölkələrin görüşündə neft hasilatının azaldılması üzrə konkret təkliflər irəli sürəcək.
Cumhuriyyet.az Trend-ə istinadən xəbər verir ki, bu barədə “Reuters” Azərbaycan Energetika Nazirliyinin nümayəndəsinə istinadən məlumat verir.
Məlumatda deyilir: “Azərbaycan öz neft hasilatı kvotasını Rusiya və OPEC-ə daxil olmayan digər ölkələrin nəzərdə tutduğu hasilat azalmasının faiz nisbətinə uyğun olaraq müəyyən etməyi planlaşdırır”.
Qeyd edək ki, OPEC-in digər ölkələrlə görüşü noyabrın 30-da Moskvada keçirilməli idi, lakin sonradan görüş təxirə salınıb və dekabrın 10-da Vyanada keçiriləcək.
Short URL: http://www.cumhuriyyet.net/?p=84007
