“JP Morgan”: Qlobal neft tələbatı 2035-ci ilədək 15 faiz azalacaq
Qlobal neft tələbatı 2035-ci ilədək 15 faiz azala bilər.
Bu barədə dünyanın ən böyük banklarından olan “JP Morgan” məlumat yayıb.
“JP Morgan”a görə, elektromobillər çoxlu sayda maşın təmiri mərkəzi və neft istehsalçılarının zərərə düşməsinə səbəb olacaq. Elektrik enerjisi ilə işləyən nəqliyyat vasitələri 2025-ci ildə qlobal bazarın 35 faizinə yiyələnəcək. 2030-cu ilədək isə bu nisbətin 48 faizə çatması gözlənilir. Bank 2025-ci ildən sonrakı dövr bu sahəyə marağın artması nəticəsində qlobal neft tələbatının 2035-ci ilə qədər 15 faiz azalacağını proqnozlaşdırır.
Xatırladaq ki, “JP Morgan” həm də dünyanın ən bahalı banklarındır. Ötən il “JP Morgan”ın kapitallaşması təxminən 240 milyard dollar təşkil etmişdi.
Short URL: http://www.cumhuriyyet.net/?p=98591
