Vidadi İsayevdən Əli İnsanova simpatiya mesajı: “ağsaqqalımızdır, böyük şəxsiyyətdir…”

25.03.2019 - 22:38

Keçmiş səhiyyə naziri Əli İnsanov hələ həbsxananın qapısından uzaqlaşmamış elan etdi ki, siyasətdə iştirak edəcək. Ermənistan doğumlu Əli İnsanov həbsdən əvvəl də, bu bölgədən olanların arasında nüfuzu ilə tanınırdı. Bu nüfuz hələ də var və Əli İnsanovun azadlığa indi çıxması təsadüfi deyil, o, hakimiyyətdə zəifləməkdə olan və Ermənistandan qaçqın gəlmiş adamların liderinə çevrilə bilər. Məlumatlı mənbənin cumhuriyyet.az-a bildirdiyinə görə Əli İnsanovun azadlığa çıxması, düşünülmüş bir plan idi: “Bu ssenarinin müəllifi qərbi azərbaycanlılar qruplaşmasıdır. Ola bilsin ki, İlham Əliyevə deyiblər ki, yaşlı adamdır, buraxaq onu. Amma hesab edirəm ki, İlham Əliyev üçün Əli İnsanov çox ciddi bir təhlükə faktorudur. Siz bilirsiz ki, qərbi azərbaycanlılar, naxçıvanlılar klanı kifayət qədər sıxışdırılır və Bakı- Şirvan qruplaşması iqtisadi cəhətdən kifayət qədər nüfuz qazanıb”.
Əli İnsanov qərbi azərbaycanlılar arasında elə nüfuzlu idi ki, bir çox siyasətçilər onu, hətta o özü də özünü Heydər Əliyevdən sonrakı prezident kimi təsəvvür edirdi. Bununla bağlı cumhuriyyet.az-a daxil olan məlumatlara görə, İnsanov hələ içəridə olanda bəzi Qərb təmsilçiləri onunla görüşüb və siyasi mübarizəyə başlayarsa, dəstək verəcəyini bildiriblər. Burada bir məqama diqqət yetirək.
Məlumatların təhlili onu deməyə əsas verir ki, yüksək post tutan bəzi məmurlar artıq İns. Belə ki, Gəncə anova mesajlar göndərməyə, onun bayrağı altına keçməyə hazır olduqlarını bildiriblər. Artıq bununla bağlı müəyyən işartılar da var. Bəzi məmurlar bu və ya digər şəkildə sabiq nazirə simpatiya mesajları göndərirlər. Rəsmən təsdiq olmasa da mənbənin cumhuriyyet.az-a verdiyi məlumata görə belə mesajlardan biri də bu günlərdə Bərdə rayon icra başçısı Vidadi İsayev tərəfindən göndərilib. Mənbənin iddiasına görə, bayram günlərində dar çərçivədə keçirilən bir məclisdə icra başçısı “Əli müəllim ağsaqqalımızdır, böyük şəxsiyyətdir. Biz (qərbi azərbaycanlılar nəzərdə tutulub-red.) hər zaman dövlətçiliyə sadiq olmuşuq, xırda incikliklər də aradan qalxacaq. Biz birliyimizi qorumalıyıq”-deyə fikir bildirib. Deyilənə görə, məclisdə Ə.insabova yaxın olan və bu mesajı ünvanına çatdıracaq şəxs də iştirak edib ki, icra başçısı da məhz bu məqamı nəzərə alıb.
Xatırladaq ki, Vidadi İsayev Qərbi Azərbaycanın (indiki Ermənistan) Dərələyəz mahalında anadan olub. Tarix elmlər doktoru, yazıçı-publisist kimi tanınan indiki icra başçısı elmi yaradıcılığında bu bölgəyə xüsusi diqqət ayırıb. Amma onun indiki mesajı doğurdan da olubsa bunu yalnız regionçuluq prinsipinə bağlamaq olmaz. Məsələ burasındadır ki, Gəncə meri Elmar Vəliyevdən sonra V.İsayev demək olar ki, havadan asılı vəziyyətdə qalıb. Hakimiyyətdaxili qruplaşmada “köhnələr”lə bağlantını itirən, “yenilər”in sırasına isə daxil ola bilməyən icra başçısının çıxış yolları aramaq üçün bu kimi gedişlər etməsi təbii görünür.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i1.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i2.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i2.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=127587

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Aprel 2019
BE ÇA Ç CA C Ş B
« Mar    
1234567
891011121314
15161718192021
22232425262728
2930