“Green life” sağlamlıq mərkəzi işsizləri necə tələyə salır? – Şok fırıldaq/Foto

06.08.2018 - 10:54

Bakının “Nəsimi” bazarı yaxınlığında yerləşən “Green life” sağlamlıq mərkəzi vətəndaşları tələyə salıb. AzEuroNews.com xəbər verir ki, tibb mərkəzi işsiz insanları işə qəbul adı ilə aldadır. Sağlamlıq mərkəzi müxtəlif elan saytlarında işçi axtardığını bəyan edir. İşsizlikdən əziyyət çəkən onlarla vətəndaş “Green life” sağlamlıq mərkəzinə nicat kimi baxaraq pənah aparır. Çünki mərkəzin elan saytlarında təklifi çox cəlbedicidir: səhər saat 10:00-dan 14:00-dək, 14:00-dan isə 18:00-dək iki növbəli iş rejimi var. Bu 4 saat ərzində işləməyə görə 250-500 manat arasında əmək haqqı vəd edilir. Hətta İsveçrə, Avstriya, Danimarka kimi ölkələr də bu inkişafa çatmayıblar. Amma nədənsə “Green life” sağlamlıq mərkəzi sivil Avropanı da qabaqlayaraq işsizlərə belə təkliflər irəli sürür. Siz burada operator, kadrlar üzrə mütəxəssis, satış meneceri, əczaçı, pr vakansiyalarında işləyə bilərsiniz. Amma…

Amması budur ki, belə hallarla qarşılaşanlardan bir neçəsi başına gələnləri əməkdaşımıza danışıb. Onun sözlərinə görə, operator vəzifəsi üçün müraciət edib. Mərkəzdən ona bildirilib ki, iş təcrübəsi mənimsədikdən sonra evdən də çalışa bilər. Bunun üçün ilk növbədə pulsuz-parasız, işsiz vətəndaş 15 manat ödəniş etməlidir.

Bu pulu nə üçün istədiklərini özləri də izah edə bilmirlər. Guya müqavilə bağlanır və həmin işsiz binəva hər gün mərkəzdə kurslarda iştirak edir. Bu kursların isə təklif olunan sahələrlə heç bir əlaqəsi yoxdur. Belə ki, klinikanın moderatoru mühazirədə uzun-uzadı biznesin təşkili, idarəçiliyi və s. barədə cansıxıcı nəzəri mövzulardan danışır.

İş üçün müraciət edənlərə bir neçə gün gəlib mühazirədə iştirak etmələri tələb olunur. Çarəsiz qalan işsiz vətəndaşlar da məcburən mühazirəyə qatılırlar. Amma bu mühazirələrin onların vəzifəsinə, maaşına və s. hansı aidiyyatı olduğu məlum deyil. Nəticədə bu monoton, boz gedib-gəlmələrdən bezmiş vətəndaş bir də ora ayaq basmır. Əvəzində 15 manat da gedir, gündəlik nəqliyyata verilən pul da…

İşsiz vətəndaşı işə qəbul etmək, ona avans vermək yerinə 15 manat alırlar, kələ gəlirlər və yola salırlar. Sonra məlum olur ki, operatorun vəzifəsi gündə 200 mənzilə zəng etmək, Green life” sağlamlıq mərkəzi haqda məlumat vermək, müştəri cəlb eləmək, hər müştəriyə görə 10 manat faiz almaq imiş. Yəni, heç bir maaşdan söhbət getmir, operator gətirdiyi müştəridən dolanmalıdır. Əgər ayda 15 müştəri olsa, bu, cəmi 150 manat edir. Bu da işsiz vətəndaşın yol pulusu və gündəlik xərclərinə güclə yetir.

Əməkdaşımız öyrənib ki, bu firmanın fəaliyyəti təxminən “Tiens” adlı məşhur Çin şirkətinin bir qanadıdır. Bir müddət əvvəl Bakıda “Tiens” çox yayılmışdı. Minlərlə işsiz vətəndaş, əsasən də tələbələr onların toruna düşürdülər. Sonra zamanla bu fırıldaqların üstü açıldı.

İndisə buna bənzər işi sözügedən mərkəz edir. Hər bir vətəndaşdan 15 manat qoparmaqla ayda nə qədər yağmalandığını təsəvvür etmək mümkündür…

Sağlamlıq mərkəzinə zəng etsək də, telefonu açan olmadı. Görünür, qeyri-iş günüdür. Qarşı tərəfi dinləməyə hazırıq.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=121574

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2024
BE ÇA Ç CA C Ş B
 123
45678910
11121314151617
18192021222324
25262728293031