Tovuzun Əyyublu məktəbində rüşvət skandalı: “2000 manat aldı, sonra da…”

03.03.2019 - 23:39

Prezident şəhid atasına su verəndə, Şamaxıda Saray ananın əlini öpəndə, Beyləqanda xalqla “Azərbaycan” mahnısını oxuyanda, illərlə borc içində boğulan vətəndaşların kreditlərini bağışlayanda çox ucqar olmayan Tovuzun Əyyublu kəndində bir məktəb direktoru bütün bunların ziddinə addım ataraq, iki azyaşlı övladı olan, çətinliklə onları böyüdən anaya işlədiyi təhsil ocağında 110 manatı da çox gördü.
Reportyor.info-nun əldə etdiyi məlumata görə, söhbət Tovuzun Əyyublu kəndində 1 saylı kənd orta məktəbdə işləyən Əliyeva Aygün Məhərrəm qızının başına məktəb direktoru Cəmşid Sadıqov tərəfindən açılan oyunlardan gedir.
C.Sadıqov 2015-ci ildə onu işə qəbul edib. O, heç də A.Əliyevanı havayı işlə təmin etməyib. Bunun müqabilində 2000 manatını alıb. Dəhşətdir!
Ancaq alverçi məktəb direktoru texniki işçi kimi götürdüyü A.Əliyevanın çörəyinə göz dikməyə başlayıb. Bunu bəlkə erməni eləməzdi ki, amma məktəb direktoru edib.
C.Sadıqov ona cəmi bir ay 110 manat maaş verib, sonra pulunu kəsməyə, getdikcə azaltmağa başlayıb. Haqsızlıqdır, qanunsuzluqdur, özbaşınalıqdır!
İki balasını güclə dolandıran bir anadan 2000 manat “haqq” al, sonra maaşını kəsməyə başla, o pulla öz evinə çörək apar, nə kişiliyə, nə direktora yaraşar. Ayıbdır.
Hali-qəziyə belə olub. A.Əliyeva martda işə götürülüb, bircə ay 110 manat maaş alıb. Sonrakı ay ona 80 manat maaş verilib.
“Mənə bütöv “oklat” söz vermişdi. Haqqımı tələb edəndə dedi ki, rayondan yoxlama gəldi, sonra düzələcək. Amma bir il ərzində hər ay 80 manatdan bir qəpik də artıq almadım”, – deyə Aygün Əliyeva Cümşüd Sadıqov barəsində belə deyir. Ancaq sən saydığını say, gör məktəb direktoru nə sayır.
Texniki işçiyə düşmən millətin nümayəndə kimi qəddar davranan C.Sadıqov bu dəfə A.Əliyevanın əmək haqqını 60 manata endirir. Səbəbsiz, şərhsiz, əsassız!
Bu absurd da azmış kimi, direktor son aylarda ona cəmi 35 manat verməyə başlayıb. Yəni korrupsiya, yeyinti, mənimsəmə, məzlumun, zavallının çörəyini əlində almaq!!! Bunun başqa adı varsa, C.Sadıqov izah eləsin.
Çox çəkmir ki, Aygün Əliyeva onun bu qanunsuz hərəkətlərindən cana doyaraq Tovuz Rayon Təhsil Şöbəsinə müraciət edir.
Ümid edir ki, yuxarı instansiya ədalətli davranar, şikayətə baxar, direktorun qulağını çəkər, iki uşaq anasının almalı olduğu 110 manat maaşın bərpasına göstəriş verər. Ay-hay, ölmüşdü Xankişi!
Sən demə, Tovuz RTŞ rəhbərliyi Əyyublu kəndinin 1 saylı kənd orta məktəb direktoru C.Sadıqovdan da qansız, imansız imiş. Aygün Əliyevanı naümid, çarəsiz geri qaytarırlar.
Yəni, prezidentin, Mehriban xanımın insanlara etdyi yaxşılıqlardan bir qram nümunə götürməyiblər, fikirləşməyiblər ki, iki övladı olan bu qadın necə dolanacaq? Nə danışırsan, əsas direktorun qazancı, rahatlığıdır…
“Təhsil Şöbəsinə şikayət etdiyim üçün Cümşüd Sadıqov acığa düşüb 35 manatımı kəsib, 30 manat elədi.
Onu da deyim ki, istərsə 80 manat, istərsə 35 manat alanda, hər ay 20 manatını “haqq” olaraq məndən alırdı. Bu haqsızlığı, vicdansızlığı Allah götürməz.
İndi sual edirəm – 30 manatın 20 manatını direktora versəm, mənə 10 manat qalır, bəs iki övladımı necə oxudum? Mən qulam, nökərəm yoxsa vətəndaşam?
Görəsən Tovuz təhsil şöbəsi və Təhsil Nazirliyi hara baxır? Cümşüd Sadıqovla bacarmırlar? Təhsil şöbəsinin müdir Validə xanım mənə deyir ki, maaş məsələsi indi mümkün deyil, bəlkə sentyabrda düzələr.
Tovuz rayon icra başçısının qəbulunda oluram, deyirlər get, 35 manata qane ol. Bütün bu şikayətlərə görə indi 35 manatım 30 manat olub.

Özləri bu məbləğə qane olarmı? Onu bilirəm ki, bu haqsızlıq axıra kimi getməz. Göydə Allah, yerdə prezident haqqı nahaqqa verməyəcək.

Çünki mənim iki balamın boğazından kəsib, onları yarıtox, yarıac qoyub öz uşaqlarını fikirləşən direktor cəzasını almalıdır. Mən prezidentin bu haqsızlıqdan agah olub tapşırıq verəcəyinə inanıram.

Dövlət başçısı mətbuatı izləyir, şikayətlərə baxır, köməkçiləri məlumat verirlər. Ona görə xahiş edirəm ki, işimə baxılsın”,-deyə A.Əliyeva bildirir.

A.Əliyevanın sözlərinə görə, onu məktəbə texniki işçi kimi götürüb hər gün həyəti və sinif otağı süpürdürlər: “Direktorun arvadı özünü qoçu kimi aparır, üstümüzə cumur, təhqir edir, məni alçaldır.

Bu dəqiqə məktəbdə ailə biznesi qurublar. Cəmşid Sadıqov oğlunu məktəbə gözətçi kimi rəsmiləşdirib, adına maaş yazdırır, oğlu isə evdə yatır, məktəbdə əlavə qarovulçu işləyir.

Üstəlik, gəlinini texniki işçi qoyub, ona da ayda 120 manat maaş yazdırır. Kürəkəni də eyni formada adı məktəbdə gedir, pul alır. Elə bil orta məktəb yox, ailə podratıdır”.

A.Əliyevaya: Tovuz təhsil şöbəsindən bildiriblər ki, bütün bunları Ağstafa Regional Təhsil İdarəsinin rəisi Emin müəllim edir. Əgər nazirlik təftiş aparsa, Tovuz təhsil şöbəsinn hansı işlərlə məşğul olduğu üzə çıxacaq. İndi gözlər nazirlikdə və prezidentdədir – bir ananın harayını eşidəcəkləri ümidi ilə…

REPORTYOR.info

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=127166

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2024
BE ÇA Ç CA C Ş B
 123
45678910
11121314151617
18192021222324
25262728293031