Tərtərin icra başçısı yarımçıq ruscasıyla hərbi sirləri belə yaydı – VİDEO

24.12.2018 - 10:46

Azərbaycanlı məmur Rusiyalı jurnalistlə müsahibəsində hərbi sirr sayılan məlumatları açıqlayıb. Yenicag.ru-nun məlumatına görə, Rusiyalı telejurnalistlə söhbətində hərbi sirləri faş edən Tərtər Rayon İcra Hakimiyyətinin başçısı Müstəqim Məmmədov sosial şəbəkələrin “ulduz”una çevrilib.
Azərbaycanlı məmurların bir çoxunun intellektual səviyyəsinin yetərli olmaması bəzən hətta dövlət sirri sayılan məlumatların yayılması ilə nəticələnir. Bunun bariz nümunəsi kimi, Rusiya telekanallarından birinə müsahibə verən Tərtərin icra başçısı Müstəqim Məmmədovu göstərə bilərik. Məmmədov rusiyalı telejurnalistlə 10 dəqiqəlik söhbətində düşmənlə üz-üzə dayanan Tərtərin bütün infrastruktur xəritəsini “cızıb”.
Xatırladaq ki, 2016-cı ilin məlum Aprel döyüşləri zamanı Tərtər ermənilərin əsas hədəflərindən biri idi və düşmən artilleriyasının oraya vurduğu ziyan digər rayonlarla müqayisədə bir neçə dəfə çox idi. Tərtərin cəbhə zonasında Azərbaycan Ordusunun əsas dayaq nöqtələrindən biri olmasına baxmayaraq, Məmmədov rəhbərlik etdiyi strateji əhəmiyyətli rayonun bütün sirlərini Rusiyalı jurnalistə ardıcıllıqla açıqlayır: rayonda son illərdə hansı obyektlər tikilib, Aprel döyüşləri vaxtı erməni mərmiləri hansı ərazilərə düşürdü, həmin döyüşlərdən sonra hansı obyektlər əsaslı təmir edilib və sair. Bir sözlə, Məmmədov cəbhə xəttindəki Tərtərə nə məqsədlə gəldiyi dəqiq bilinməyən Rusiyalı telejurnalistlə söhbətində rayonun zərbə endirilə biləcək bütün koordinatlarını dəqiqliklə göstərəcək qədər “irəli gedib”.
Xarici telejurnalistin cəbhə zonasındakı rayondan reporaj hazırlamasına hansı səviyyədə icazə verildiyi və Məmmədovun pozuq rus dilində rayonun sirlərini faş etməzdən əvvəl kiminlə məsləhətləşdiyi məlum deyil. Bütün hallarda hesab edirik ki, bütün bu məsələlər Azərbaycan xüsusi xidmət orqanlarının, xüsusilə, hərbi kəşfiyyat qurumunun nəzarəti altında öz həllini tapmalıdır.
Çox təəccüblüdür ki, yerli KİV təmsilçilərinin cəbhəyanı rayonlardan reportaj hazırlamaq istəyi yerli icra hakimiyyəti orqanları tərəfindən əksər hallarda rədd edilir. Jurnalistlərin bu vəziyyətdə hətta yerli sakinlərdən açıqlama almaq cəhdlərinin də qarşısı alınır. Məmurların əsas “arqument”ləri bundan ibarət olur ki, açıqlamanın tərkibində məxfi məlumatlar da yayıla bilər. Cəbhəyanı rayonların icra hakimiyyətlərinin başçıları və onların müavinləri isə yerli jurnalistlərlə görüşüb-söhbətləşməkdən
birmənalı şəkildə imtina edirlər.
Belə olan halda məntiqi sual yaranır: xarici jurnalistə Tərtərdən material hazırlamasına kim və hansı məqsədlə icazə verib? Eyni zamanda, Müstəqim Məmmədov Tərtər kimi strateji əhəmiyyətli rayonun sirlərini faş etmək göstərişini kimdən alıb?
Onu da qeyd edək ki, Aprel döyüşlərindən sonra Tərtər rayon icra başçısı nədənsə Prezident tərəfindən rəhbər təyin olunduğu rayonda deyil, qonşu rayonda gecələməyə üstünlük verir. Belə ki, o, gündüzləri Tərtərdə, gecələri isə Yevlaxda qalır.

 

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i1.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i2.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i2.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=125833

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Yanvar 2019
BE ÇA Ç CA C Ş B
« Dek    
 123456
78910111213
14151617181920
21222324252627
28293031