Belarusda etiraz aksiyalarında 774 nəfər saxlanıb
14.09.2020 - 15:58
Belarusda bazar günü keçirilən etiraz aksiyaları zamanı hüquq-mühafizə orqanlarının əməkdaşları 774 nəfəri saxlayıb.
“Report” TASS-a istinadən xəbər verir ki, bu barədə Belarus Daxili İşlər Nazirliyinin mətbuat katibi Olqa Çemodanova məluma verib.
“Dünən ümumilikdə 774 vətəndaş (onlardan 500-dən çoxu Minskdə) kütləvi tədbirlər haqqında qanunvericiliyi pozduğuna görə saxlanıb. 544 nəfər isə işlərinə məhkəmədə baxılana qədər həbs yerlərinə yerləşdirilib”, – mətbuat katibinin “Telegram” kanalında deyilir.
Short URL: http://www.cumhuriyyet.net/?p=154245
