Qanunsuz balıq ovlayan şəxs cəzalandırılıb
16.09.2020 - 11:20
Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı İmişli rayonunun Bəhrəmtəpə qəsəbəsi ərazisindəki təbii sututarında qanunsuz balıq ovlayan şəxs saxlanıb.
Musavat.com xəbər verir ki, bu barədə Xidmətin rəis müavini Bəhruz Məhəmmədov bildirib.
“Araşdırma zamanı qanun pozucusunun Bəhrəmtəpə qəsəbə sakini Ramal Mirzəyev olduğu məlum olub və ondan istifadəsi qadağan olunan ov alətləri, müxtəlif növ balıqlar götürülüb. Faktla bağlı Ramal Mirzəyev barəsində protokol tərtib edilib və o, 1 000 manat məbləğində cərimə olunub”, – deyə, rəis müavini bildirib.
Short URL: http://www.cumhuriyyet.net/?p=154349
