Vilyam Hacıyevin puldan xəbəri yoxdur – MƏHKƏMƏ

17.06.2022 - 14:16

Bakı Ağır Cinayətlər Məhkəməsində İmişli rayonunun sabiq icra başçısı Vilyam Hacıyevin cinayət işi üzrə məhkəmə prosesi davam etdirilib.

Cumhuriyyet.az-ın məlumatına görə, hakim Azər Paşayevin sədrliyi ilə keçirilən prosesdə sənədlərin tədqiqi mərhələsi davam etdirilib.

V. Hacıyevin vəkili ittiham tərəfinin sübut hesab etdiyi sənədlərin məhkəmədə elan olunmasını istəyib.

Prosesdə iş üzrə baxış protokolları ilə yanaşı İmişli rayon icra hakimiyyətinin baş mühasibi Cəmil Musayevin qeyd dəftəri də elan edilib. Qeyd dəftərində vətəndaşlardan alınan məbləğlər öz əksini tapıb.

Baş mühasibin qeyd dəftərinin məhkəmədə rəsmi sənəd kimi qəbul olunmasına etiraz edən vəkil bildirib ki, C.Musayev vəzifəli şəxs olub, onun kiminləsə əlaqəsinin müdafiə etdiyi şəxsə heç bir aidiyyatı yoxdur.

“2017-ci ildən etibarən özü qeydlər aparıb. Onun təqdim etdiyi qeyd dəftəri rəsmi sənəd ola bilməz. Sənədin altında möhür, imza olur. Düzgün adam idisə, qanunsuz işlər aparılması ilə bağlı vaxtında hüquq mühafizə orqanlarına müraciət edərdi. İstintaq orqanı bu adam haqqında tədbir görmür”,- vəkil bildirib.

Vəkil bildirib ki, baş mühasib pulları özü alıb və bundan Vilyam Hacıyevin xəbəri yoxdur: ”Bu adamın evində axtarış aparılmayıb, pulları hara qoyması araşdırılmayıb”.

Proses iyunun 20-də davam edəcək.

Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb.

Sabiq icra başçısı Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə ittiham olunur.

Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb.

İstintaq orqanı tərəfindən toplanmış materiallarla sabiq icra başçısı barəsində Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə yekun ittiham elan olunub.

 

Short URL: http://www.cumhuriyyet.net/?p=177007

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728