Monteneqronun baş nazirindən ÇAĞIRIŞ
05.07.2023 - 13:00
“Biz beynəlxalq universal dəyərlərə hörmət etməli və sülhə, təhlükəsizliyə töhfə verməliyik”.
Cumhuriyyet.net-ın məlumatına görə, bunu Qoşulmama Hərəkatının Əlaqələndirici Bürosunun Nazirlər İclasında Monteneqronun Baş naziri Dritan Abazoviç deyib.
O bildirib ki, aqressiya, zorakılıq qəbuledilməzdir.
“Bu gün qlobal məkanda güclü əməkdaşlığa ehtiyac var. Bizim Azərbaycanla yaxşı əlaqələrimiz var. Bizim ölkələr həmişə universal dəyərlərə hörmət edirlər”, – deyə o əlavə edib.
Baş nazir bildirib ki, Qoşulmama Hərəkatı böhranların həll yolunun tapılması üçün müzakirələr platforması təklif edir.
O, Azərbaycanın Hərəkat çərçivəsindəki təşəbbüsləri dəstəklədiklərini də vurğulayıb.
Short URL: http://www.cumhuriyyet.net/?p=192883
