“Azercell” AKart istifadəçisi: “Oğurluqla məşğuldular”

“Azercell”in AKart istifadəçisi Rəşad Balayev balansından onun icazəsi olmadan pulunun oğurlandığını deyir. O, “Azercell”in AKartını kibercinayətkarlıqda günhlandırır. Tribunainfo.az yazır ki, problemlə üzləşən Rəşad Babayev sosial şəbəkədə bunları yazıb:

“”Azercell”in AKartı balansımdan pul oğurlanıb, operator ilə əlaqə saxlamışam,yazdığı məlumata görə guya məbləğ m10-dan AKarta atdığım pulun sonradan geri çəkilməsi ilə bağlıdır. Deməli, AKart rəsmən bildirir ki, sizə göndərilmiş məbləğ sonradan sizin icazəniz olmadan kartınızdan gizlicə silinə bilər, heç bir bildiriş gəlmədən, xəbardarlıqsız, otp kodsuz. Bu birbaşa kibercinayətdır. Təsəvvür edin, kimsə mənim kartıma pul atır və əvəzində mən ona nəsə verirəm(borc pul və s). Sonra həmin pulu mənim kartımdan “səssiz səmirsiz” geri oğurlayır. AKart da deyir, bu normaldır. Allah bilir bu vaxta qədər bu formada nə qədər pullarımız oğurlanıb AKartdan.Ən pisi isə operatora deyirəm ki, mən AKartı sıfırlayıb kartı bağlamaq istəyirəm və hec bir borcum olmadığı barədə arayış almaq istəyirəm (gələcəkdə borclanmaqdan qorxduğum üçün), operator isə deyir, bu mümkün deyil”.

Qarşı tərəfin mövqeyini işıqlandırmağa hazırıq.

Short URL: http://www.cumhuriyyet.net/?p=199214