DƏHŞƏT! Bakıdakı yanğında 30 nəfər həlak olub (YENİLƏNİB/FOTOLAR)
02.03.2018 - 10:17
Bakı şəhərinin Xətai rayonunda Respublika Narkoloji Mərkəzində baş verən yanğın zamanı ölənlərin sayı dəqiqləşdirilir.Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyindən bildirilib ki, ilkin məlumata əsasən, 30 nəfərədək şəxs ölüb.
Hadisə zamanı xəsarət alan 4 nəfər isə xəstəxanaya yerləşdirilib. Onlardan üç nəfər 1 saylı Kliniki Tibbi Mərkəzin toksikologiya şöbəsində, bir nəfər 3 saylı şəhər Klinik Xəstəxanasındadır.
***
09.50
FHN-in yaydığı məlumata görə, Respublika Narkoloji Mərkəzində yanğın söndürülüb.
Yanğında zəhərlənən 3 nəfər 1 saylı Kliniki Tibbi Mərkəzin Toksikologiya Şöbəsinə gətirilib. Yaralılardan biri isə 3 saylı Kliniki Xəstəxanaya yerləşdirilib.
Hadisə zamanı ölənlərin sayı və kimliyi isə hələlik dəqiqləşməyib.
Əlavə məlumat veriləcək.
***
09.30
Bakı şəhərinin Xətai rayonunda, Respublika Narkoloji Mərkəzində güclü yanğın baş verib.
Qaynarinfo-nun report-a istinadən xəbərinə görə, hadisə səhər saat 06:00 radələrində baş verib. Yanğın xəstəxananın daimi yataq xəstələrinin müalicə aldığı 2-ci şöbəsində qeydə alınıb.
Yanğın zamanı 1 nəfər ölüb, 3 nəfər isə xəsarət alıb. Xəsarət alanlardan biri 1966-cı il təvəllüdlü Əliyev Mahirdir. O, 3 saylı Kliniki Tibbi Mərkəzə yerləşdirilib.
Səhiyyə Nazirliyindən bildiriblər ki, yanğın zamanı 30-dan artıq pasiyent təxliyyə olunub.
Short URL: http://www.cumhuriyyet.net/?p=114398
