“Bakı Group” MTK 1730 nəfəri aldadıb

16.11.2018 - 15:20

Bakının Xətai rayonunun Süleyman Vəzirov küçəsi, 17 ünvanında yerləşən hündürmərtəbəli binanın sahibi – “Bakı Group” MTK hələ də mənzil satdığı 1 730 nəfərin mülkiyyət hüququnu rəsmiləşdirməyib. Baxmayaraq ki, MTK rəsmilərinin sakinləri verdiyi “kupça” vədinin üstündən uzun illər keçib. Bunanın sakinləri səbirsizliklə tikinti şirkətinin qanunsuzluqlarına son qoyulacağı və Əmlak Məsələləri Dövlət Komitəsi (ƏMDK) yanında Daşınmaz Əmlakın Dövlət Reyestri Xidmətindən çıxarış alacaqları günü gözləyirlər.

“2 il əvvəl buradan ev alanda demişdirlər ki, tezliklə “kupça” veriləcək, amma sakinlərin heç birinə verilməyib. Halbuki, binada tam yaşayış var. Bütün kommunal xərcləri ödəyirik. “Kupça”nın olmaması bir sıra problemlər yaradır. Məsələn, xaricə getmək üçün viza almaq istəyəndə səfirlikdə məndən yaşadığım evin mülkiyyət sənədini tələb edirlər. Başqa işlər üçün də həmin sənədə ehtiyacım olur”, – deyə şikayətçilərdən biri Kəmalə Ələkbərova “Report”a bildirib.

“Report” məsələ ilə bağlı “Bakı Group”un direktoru Rasim Əkbərova müraciət edib. Direktor çıxarışla bağlı problemin kökünün təxminən 10 il bundan əvvələ gedib-çıxdığını deyərək məsuliyyəti üzərindən atıb:

“Bu binanı podratçı qismində “İdeal İnşaat” şirkəti tikib. Onlar işi 2010-ci ildə təhvil verməli idilər, amma gecikdiriblər, üstəlik bir mənzili bir neçə nəfərə satıblar.

Sonradan “İdeal İnşaat”ın rəhbərliyi dəyişib. 2015-ci ildən “Baku Group” onlarla münaqişə vəziyyətindədir. Hazırda “İdeal İnşaat”ın bugünkü rəhbərləri həbsxanadadır, bir cinayət işinə görə 11 il həbs cəzası alıblar. Onlar barədə əlavə cinayət işləri də var”.

Maraqlıdır ki, “Baku Group” “İdeal İnşaat”ın fəaliyyətindən vaxtında “xəbər tutmayıb”. Hətta yaşayış binasının tikintisi həyata keçirilərkən yanğın təhlükəsizliyi normalarına əməl edilməməsini belə MTK rəhbərliyi “görməyib”.

“Bir dəfə yanğın oldu, yanğınsöndürənlər binaya eyvanlardan girməli oldular. Buna görə də, hazırda Fövləladə Hallar Nazirliyi binaya rəy vermir, qəbul aktı yoxdur və dövlətə təhvil-təslim işləri ləngiyir. Bununla belə, çalışırıq ki, gələn ildən başlayaraq çıxarışlar verilsin”, – deyə R.Əkbərov özünə haqq qazandırmağa çalışıb.

ƏMDK-dan isə “Report”a sadəcə bildirilib ki, həmin binanın sənədlərində çatışmazlıqlar var və buna görə də sakinlərə çıxarış verilməsi mümkün deyil.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=124659

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2024
BE ÇA Ç CA C Ş B
 123
45678910
11121314151617
18192021222324
25262728293031