Əfqanıstan Azərbaycan iqtisadiyyatına 1,5 milyon dollar investisiya yatırıb
Azərbaycanda sənaye, nəqliyyat və xidmət sahələri üzrə 11 Əfqanıstan şirkəti qeydiyyatdan keçib.
İqtisadiyyat Nazirliyindən verilən məlumata görə, bu barədə İqtisadiyyat nazirinin müavini Sahib Məmmədov iyulun 16-da Bakıda keçirilən Azərbaycan-Əfqanıstan İşçi Qrupunun iclasında deyib.
S.Məmmədov bildirib ki, bu günədək Əfqanıstan Azərbaycan iqtisadiyyatına 1,5 milyon dollar investisiyalar yatırıb.
“Ölkələrimiz arasında inşaat materiallarının istehsalı, tikinti, rabitə, nəqliyyat, avtomobil yollarının çəkilişi, elektrik enerjisinin istehsalı, meliorasiya, kənd təsərrüfatı, meyvə-tərəvəz məhsullarının qablaşdırılması və digər sahələrdə əməkdaşlıq imkanları nəzərdən keçirilə bilər”, – deyə o qeyd edib.
Short URL: http://www.cumhuriyyet.net/?p=129578