Azərbaycan ordusu düşmənin daha bir neçə texnikasını ələ keçirdi
Azərbaycan ordusunun cəbhənin Füzuli istiqamətində uğurları davam edir.
“Yeni Müsavat” qəzetinin cəbhənin Füzuli istiqamətinə ezam olunmuş müxbirləri xəbər verir ki, ordumuzun qəhrəman əsgərləri ermənilərin daha bir neçə texnikasını qənimət olaraq ələ keçirib.
Əməkdaşlarımız xəbər verir ki, saz vəziyyətdə olan texnikaların sayı müşahidələrinə görə, ən azı 3 ədəd olub. Həmin hərbi texnikalar əsasən yük və qida daşınması üçün istifadə edilirmiş.
Bununla bağlı tam təfsilatlı məlumatla Müdafiə Nazirliyinin rəsmi açıqlamasından sonra tanış ola biləcəyik.
Qeyd edək ki, bu gün artıq atəşkəsin 5-ci günüdür. Amma ilk gündən etibarən düşmən atəşkəsi pozaraq işğaldan azad edilmiş torpaqlarımızı geri almağa cəhd edərək bir neçə həmlə edib. Həmçinin ordumuzun mövqelərini və cəbhəboyu kəndlərimizi atəşə tutub. Azərbaycan ordusunun cavabı dayanmır.
Short URL: http://www.cumhuriyyet.net/?p=156060