Türkiyənin Çindən sifariş etdiyi “Sinovac” peyvəndinin koronavirusa qarşı ciddi təsirə malik olduğu təsdiqlənib

09.12.2020 - 10:08

Türkiyə hökuməti yeni növ koronavirus (COVID-19) infeksiyası ilə bağlı riskləri aradan qaldırmaq üçün virusdan qorunmaq məqsədilə peyvənd tətbiqi sahəsində çoxistiqamətli işlər görməkdədir. Yerli istehsalla bərabər xarici ölkələrin istehsalı olan vaksinlərin alınması da gündəmdə saxlanılır.

AZƏRTAC xəbər verir ki, Türkiyə Çində istehsal olunan “Sinovac” peyvəndindən sifariş edib. “Sinovac” peyvəndinin bir sıra göstəricilərinə görə koronavirus infeksiyasına qarşı ciddi təsirə malik olduğu təsdiqlənib. Bu peyvənd bir sıra ölkələrdə klinik sınaqlardan uğurla çıxıb.

Artıq İndoneziyada “Sinovac” peyvəndinin klinik sınağının üçüncü mərhələsi müvəffəqiyyətlə nəticələnib. İndoneziyanın dövlət dərman qurumu “Bio Farma”nın açıqlamasına görə, bu peyvənd COVID-19 infeksiyası ilə mübarizədə 97 faizlik uğurlu nəticə göstərib. İndoneziyada “Sinovac” peyvəndinin klinik sınağı 1600 nəfər üzərində aparılıb.

Türkiyənin səhiyyə naziri Fahrettin Kocanın məlumatına görə, Türkiyə “Sinovac” vaksinindən 50 milyon doza sifariş verib. Bu peyvəndin tətbiqinə dekabrda başlanılacaq. Peyvəndin ilk olaraq səhiyyə işçilərinə vurulacağı bildirilir.

Qeyd edək ki, artıq Braziliya, Çili və Banqladeş də Çin istehsalı olan “Sinovac” peyvəndini ilk sifariş edən ölkələrdəndir.

Short URL: http://www.cumhuriyyet.net/?p=158209

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728