6 gün sonra Qarabağ və Zəngəzur torpaqlarının gələcəyi ilə bağlı mühüm qərarlar icra ediləcək – RƏSMİ
“İlk gündən demişəm ki, Paşinyan hakimiyyətdən getməyəcək. Arxasında da, dünənə qədər Soros, bu gün isə, həm də, Putin dayanıb. Qəribə deyil. Öhdəlikləri var”.
Bu fikirləri Qazet.az-a açıqlamasında Bakı Politoloqlar Klubunun sədri Zaur Məmmədov deyib. Qafqazın gələcək taleyinin həllində isə Ermənistan və Gürcüstanın iştirakı nəzərdə tutulmayıb.
“11 yanvar tarixində Moskvada mühüm görüş baş tutacaq. Qarabağ və Zəngəzur torpaqlarının gələcəyi ilə bağlı mühüm qərarlar icra ediləcək. Çox güman kı, Naxçıvanın bir kəndi və Qazaxın kəndləri məsələləri həllini tapacaq. KTMT və Avrasiya İttifaqının MDB – təşkilatına inteqrasiyası nəticəsində Azərbaycanın bu formata sıx şəkildə bağlanacağı da istisna deyil. Hər halda, Ankara, Bakı və Moskva arasında ciddi dialoq davam etməkdədir. Qafqazın gələcək taleyi Ermənistansız və Gürcüstansız həll olunur”, – deyə politoloq bildirib.
Short URL: http://www.cumhuriyyet.net/?p=159264
