Paşinyanın oğlu Moskvada peyda oldu: Villa almaq istəyir – (VİDEO)

Ermənistanın baş naziri Nikol Paşinyanın oğlu Aşot Paşinyan gizli şəkildə Moskvaya gedib.

Azvision.az xəbər verir ki, bununla bağlı erməni KİV-ləri məlumat yayıblar.

“Mediaport”un əldə etdiyi məlumata görə, Paşinyanın həyat yoldaşı və qızları ilə yanaşı oğlu da Rusiyada peyda olub. Aşotun Moskvada yerləşən “Ararat” mehmanxanasının qarşısında gecə yarısı çəkilmiş videosu yayılıb.

Xatırladaq ki, bundan əvvəl Paşinyan ailəsinin Moskvaya vətəndaşlıq almaq üçün səfər edəcəyi barədə xəbərlər yayılmışdı. Dünən isə bəlli olub ki, Paşinyan Moskvanın elit rayonlarından birində şəxsi villa almağı hazırlaşır.

Məlumatda, həmçinin qeyd edilir ki, Rusiya və Ermənistan hökuməti məlum proseslərlə bağlı açıqlama vermir, aidiyyəti qurumlar müəmmalı şəkildə susurlar.

“Hazırda baş nazir itkin düşənlərin, hələ də Azərbaycanda qalan erməni əsgərlərin taleyi ilə maraqlanmaq əvəzinə, öz gələcəyini qurur, öz ailəsinin rifahı üçün çalışır”, – deyə erməni mətbuatı yazıb.