Ermənistan parlamenti sərhəddəki vəziyyəti müzakirəyə ÇIXARIR
Bu gün Ermənistan parlamentinin 4 günlük növbəti sessiyası öz işinə başlayıb.
Cumhuriyyet.az Ermənistan KİV-nə istinadən xəbər verir ki, sessiyanın gündəliyinə 21 məsələ daxil edilib.
Parlament “Hərbi xidmət və hərbi qulluqçunun statusu haqqında” qanuna dəyişikliklər edilməsi barədə qanun layihələri paketini və ona əlavə edilmiş qanun layihələrini, hərbi qulluqçuların dövriyyəsini tənzimləyən qanun layihələri paketini ikinci oxunuşda müzakirə edəcək.
Gündəliyə 2020-ci il sentyabrında Ermənistan-Azərbaycan sərhəddindəki hərbi əməliyyatlarla bağlı vəziyyətin öyrənilməsi üzrə Milli Məclisin İstintaq Komissiyasının fəaliyyətinin uzadılması ilə bağlı layihə də daxildir.
Verilən məlumata görə, erməni deputatlar sərhəddəki vəziyyəti müzakirə edəcəklər.
Qeyd olunur ki, müxalifətin “Hayastan” və “Mənim şərəfim var” fraksiyaları sessiyanı boykot edib.
Short URL: http://www.cumhuriyyet.net/?p=183187
