Elmar Məmmədyarovun bu səhvi tənqid olundu
16.06.2023 - 15:36
AFFA İcraiyyə Komitəsinin üzvü Elmar Məmmədyarov Azərbaycan Premyer Liqasının 2023-2024-cü il mövsümündə 12 komandanın mübarizə aparacağını bildirib.
Cumhuriyyet.net xəbər verir ki, sabiq nazirin sözügedən açıqlaması tənqidlərə səbəb olub.
AFFA-nın baş katibi Sərxan Hacıyev E.Məmmədyarovun sözlərini təkzib edib və komanda sayının dəyişdirilməyəcəyini söyləyib:
“Premyer Liqada komanda sayı artırılmayıb. Bu məsələ əvvəldən də nəzərdə tutulmamışdı, gündəmdə də yox idi. Ola bilər, Elmar müəllim nəyisə səhv başa düşüb. Premyer Liqada 10 komanda olacaq. “Şamaxı” sonuncu yeri tutduğu üçün çempionatı tərk edir. “Araz Naxçıvan” isə Premyer Liqada mübarizə aparacaq”.
Short URL: http://www.cumhuriyyet.net/?p=192404
