Elnur Məmmədliyə yeni vəzifə
29.03.2016 - 12:50
Pekin Olimpiyadasının qızıl medalçısı Elnur Məmmədli Yol Patrul Xidmətindəki işindən ayrılıb.
Bizimyol.info-nun avtosfer.az-a istinadən məlumatına görə, Bakı şəhər Baş Polis İdarəsinin (BŞBPİ) Dövlət Yol Polisi İdarəsində hərəkətin təşkili şöbəsinin baş inspektoru vəzifəsini tutan Elnur Məmmədli bir neçə gündür işdən azad olunub.
Bildirilir ki, Olimpiya çempionu Elnur Çingiz oğlu Məmmədli artıq yeni işlə təmin edilib. O, Dövlət Təhlükəsizlik Xidmətində mühüm vəzifəyə təyin olunub.
Elnur Məmmədlinin DYP-dən getməsi xəbərini Bakı şəhər DYPİ-dən təsdiq ediblər.
Xatırladaq ki, Elnur Məmmədli Polis Akademiyasını bitirib. Yol polisi sıralarında işləyərkən rütbəsi polis kapitanı idi.
Short URL: http://www.cumhuriyyet.net/?p=59103
