Fidel Kastro ÖLDÜ
Kubanın məşhur lideri Fidel Kastro vəfat edib.
Bu barədə informasiyanı Kuba dövlət televiziyası yayıb.
Qeyd edək ki, Kastro 1959-cu ildə ölkədə baş verən inqilabın rəhbəri olub. 47 illik hakimiyyəti dövründə özünün dediyinə görə, Kastronu devirmək üçün 600 dəfə cəhd göstərilib. Kastro Mərkəzi Kəşfiyyat İdarəsinin sui-qəsd planlarından ehtiyat edərək şəxsi həyatı barədə bütün məlumatları məxfi saxlamaq əmri verib. Ancaq MKİ-nin hazırladığı məxfi hesabatda deyilirdi ki, Kastro sağalmaz Parkinson xəstəliyinə tutulub və yaxın dörd ildə öləcək. Diktatorun şəxsi həkimi isə onun 140 il yaşaya biləcəyini deyirdi. 2008-ci ildə hakimiyyətdən uzaqlaşan Kastronun səlahiyyətlərini qardaşı Raul Kastro icra edib.
Short URL: http://www.cumhuriyyet.net/?p=83071
