Məhəmməd Füzulinin oğlunun şeirləri tapılıb
04.01.2018 - 16:06
AMEA-nın Məhəmməd Füzuli adına Əlyazmalar İnstitutunun direktor müavini, filologiya üzrə elmlər doktoru Paşa Kərimov Ankara Milli Kitabxanasında böyük Azərbaycan şairi Məhəmməd Füzulinin oğlu Fəzlinin iki qəzəlini, bir təkbeytini, iki misrasını aşkar etmişdir. Cumhuriyyet.net bildirir ki,mənbələrin verdiyi məlumata görə, Fəzli Kərbəlada doğulmuş, mədrəsə təhsili görmüş, ərəb, fars və Azərbaycan dillərində şeirlər yazmışdır. Lakin şairin divanı əlimizə gəlib çatmamışdır. Müasirləri onun müəmma janrında şeir yazdığını, mənzum tarix söylədiyini bildirmişlər.
Fəzlinin yeni tapılmış şeirləri əlyazma qaynaqlarında onun yeni əsərlərinin üzə çıxarılacağına ümidləri artırır.
Cumhuriyyet.net
Short URL: http://www.cumhuriyyet.net/?p=109213
