Donald Trampın qardaşı öldü
ABŞ Prezidenti Donald Trampın qardaşı Robert Tramp şənbə günü vəfat edib.
Virtualaz.org yerli KİV-ə istinadən bildirir ki, bu barədə Ağ Evin mətbuat xidməti məlumat yayıb.
Məlumatda qeyd olunur ki, ABŞ Prezidenti 71 yaşlı qardaşı barədə bu ifadələri işlədib: “Ürək ağrısı ilə bildirirəm ki, gözəl qardaşım Robert bu gün sakit şəkildə dünyasını dəyişdi. O, yalnız mənim qardaşım deyildi, o mənim ən yaxşı dostum idi. Onsuz çox darıxacağıq, amma yenidən görüşəcəyik. Onun xatirəsi mənim qəlbimdə əbədi yaşayacaq. Robert, mən səni sevirəm. Rahat yat”.
Xatırladaq ki, Robert Tramp sonuncu dəfə cümə günü Nyu-Yorkda xəstəxanaya yerləşdirilmişdi. Prezident Tramp onu ziyarət edərkən səhhətinin o qədər də yaxşı olmadığını bildirilmişdi: “Ümid edirəm ki, hər şey qaydasında olacaq. Ancaq hazırda o, çətin anlar yaşayır”.
Short URL: http://www.cumhuriyyet.net/?p=152369