Şaqqi Azərbaycana gəlmək üçün 100 min dollar istədi
Amerikan müğənni və təşkilatçı, səhnə adı Şaqqi ilə tanınan Orvill Riçard Burrell Azərbaycana gəlməkdən imtina edib.
Musavat.com saytına bu haqda təşkilatçı Samir Xəttab məlumat verib. O bildirib ki, müğənninin istədiyi qonorar yüksək olub: “Müğənninin işlədiyi şirkətlə əlaqə saxlayıb, onun Bakıda konsertini təşkil etmək istədiyimizi bildirdik. Şaqqi çox yüksək qonorar istədi, Azərbaycana 100 min dollara gələ biləcəyini qeyd etdi. Biz isə yalnız 10-15 min dollar vermək iqtidarında olduğumuzu bəyan etdik, razılaşmadı. Şirkət nümayəndəsi bildirdi ki, Şaqqi hər zaman bu qədər qonorar istəyir”.
Short URL: http://www.cumhuriyyet.net/?p=64310