Filip Kirkorov Bakıya gəlir

İfaçı Emin Ağalarovun qonağı olacaq.
Rusiyanın tanınmış müğənnisi Filip Kirkorov iyul ayında Bakıya gələcək.

ANS PRESS-in məlumatına görə, bu barədə məşhur azərbaycanlı ifaçı Emin Ağalarov sosial şəbəkədə məlumat verib.

Filip Kirkorov videomüraciətdə özü bəyan edir ki, mən də Bakıdakı konsertdə olacağam. İfaçı Emin isə Kirkorovun sözlərini təsdiqləyir.
Bir müddət əvvəl müğənni Emin Bakıda klip çəkən zamanı ANS PRESS-ə Filip Kirkorovun Azərbaycana gəlməsinə dair qadağa qoyulması iddiasından danışıb. O bildirib ki, bu məsələlər dövlət səviyyəsində həll olunan məsələlərdir və bu haqda nəsə söyləmək onun səlahiyyətləri çərçivəsində deyil. Bir müddət öncə Filip Kirkorovun Azərbaycana girişinin qadağan olunması barədə məlumat yayılmışdı.

Short URL: http://www.cumhuriyyet.net/?p=66779