“Bavariya” “Real”ın yarımmüdafiəçisini icarəyə götürdü

Münhenin “Bavariya” klubu Madridin “Real” komandasının yarımmüdafiəçisi Xames Rodriqesi icarəyə götürüb

Cumhuriyyet.net-in xəbərinə görə, bu barədə alman klubunun rəsmi saytında məlumat verilir.

İcarə müddəti iki ildir. Goal.com portalının məlumatına əsasən, bu müddət ərzində “kral” klubu 10 milyon avro alacaq.
Müqavilənin müddəti bitdikdən sonra (2019-cu il), “Bavariya” futbolçunu 35,2 milyon avroya ala biləcək.

Qeyd edilir ki, Xamesin komandaya cəlb olunması klubun baş məşqçisi Karlo Ançelottinin istəyidir.

Xames Rodriqes 2014-cü ildən “Real”da çıxış edir. Hücumçu “kral” klubunda iki dəfə Çempionlar Liqasının qalib olub. Madrid klubunda 111 oyun keçirən 25 yaşlı yarımmüdafiəçi 36 qol vurub və 41 məhsuldar ötürmə edib.

cumhuriyyet.net

Short URL: http://www.cumhuriyyet.net/?p=96333