Neymar “Barsa”dan niyə ayrıldı? – Atası açıqladı
06.08.2017 - 09:50
“Barselona”dan PSJ-yə transfer olan Neymarın atası Senyor Neymar oğlunun seçimininin səbəbini açıqlayıb.
Publika.az xəbər verir ki, braziliyalı hücumçunun həm də meneceri olan ata Neymar, oğlunun “Barselona”dan ayrılmasının əsas səbəbi kimi Kataloniya klubunda Lionel Messinin kölgəsində qalmasını göstərib:
“Messi bir ulduzdu və həmişə ulduz olaraq qalacaq. Hamı Neymarı Messinin əvəzləyicisi kimi görürdü. O, artıq kiminsə kölgəsində qalmaq istəmirdi. Messidən ayrılmalı idi. Çünki o, “Barselona”da əsl idoldu”.
Xatırladaq ki, “Barsa”dan PSJ-yə 222 milyon avro qarşılığında keçən Neymar, yeni transfer rekorduna imza atıb.
Short URL: http://www.cumhuriyyet.net/?p=97498
