Çaqqalın dişlədiyi kişi: “Qəflətən üstümə atıldı” – VİDEO
27.07.2019 - 18:42
Zaqatalada 43 yaşlı kişiyə yırtıcı heyvan hücum edib.
Oxu.Az-ın bölgə müxbiri xəbər verir ki, səhər rayonun Mosul kənd sakini Həzrətəli Rəşidov çaqqal dişləməsi xəsarəti ilə Zaqatala Rayon Mərkəzi Xəstəxanasına çatdırılıb.
H.Rəşidov işə getmək üçün qapıdan küçəyə çıxan zaman çaqqalın hücumuna məruz qalıb. Heyvan onun döş qəfəsinin sol nahiyəsini dişləyərək xəsarət yetirib.
Ona lazımi tibbi yardım göstərilib, quduzluq əleyhinə vaksin vurulduqdan sonra ambulator müalicə almaq şərtilə evə buraxılıb.
Short URL: http://www.cumhuriyyet.net/?p=130501
