Texasda baş verən silahlı insident zamanı ölənlərin sayı 20 nəfərə çatıb

04.08.2019 - 11:36

ABŞ-ın Texas ştatında “Walmart” ticarət mərkəzində baş verən silahlı insident zamanı 20 nəfər ölüb.

Report RİA “Novosti”yə istinadən xəbər verir ki, bunu Texas ştatının qubernatoru Qreq Abbott bildirib.

Şəhər polisinin rəhbəri Qreq Allen isə açıqlamasında 26 nəfərin yaralandığını deyib.


***ABŞ-ın Texas ştatında “Walmart” ticarət mərkəzində baş verən silahlı insident zamanı 19 nəfər ölüb, 40 nəfər yaralanıb.

“Report” xəbər verir ki, bu barədə məlumatı NBC News yayıb. Bir müddət öncə isə 18 nəfərin öldüyü, 20 nəfərin isə xəsarət aldığı bildirilirdi.

Artıq hadisəni törədən cinayətkarın kimliyi də açıqlanıb. O, 21 yaşlı Dallas sakinidir. Həmin şəxs ticarət mərkəzinə daxil olaraq ətrafdakı şəxslərə atəş açıb.

Bundan başqa polis baş verən hadisə ilə bağlı şübhəli şəxs qismində 3 nəfəri saxlayıb.

***

ABŞ-ın Texas ştatında atışma olub. Report RİA “Novosti”yə istinadən xəbər verir ki, hadisə El Paso şəhərində yerləşən “Walmart” ticarət mərkəzində qeydə alınıb.

Jurnalist Kamilla Rambaldi hüquq mühafizə orqanlarına istinadən bildirib ki, baş verən atışmada 10 nəfər ölüb, 30 nəfər yaralanıb.

El Paso şəhərinin polisi ticarət mərkəzində atəş açan şəxslərdən birinin həbs edildiyini açıqlayıb. Polisin bildirdiyinə görə, silahlı şəxslər bir neçə nəfər olub.

CNN-nin verdiyi məlumata görə, baş verən silahlı insidentlə bağlı artıq üç nəfər saxlanılıb.

Short URL: http://www.cumhuriyyet.net/?p=131518

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728