Bakıda kafe sahibi itkin düşüb
20.09.2019 - 11:06
Bakı şəhərində 34 yaşlı kişi itkin düşüb.
“Report”un xəbərinə görə, hadisə paytaxtın Binəqədi rayonu ərazisində baş verib.
Belə ki, Sabunçu rayon sakini Seyidağa Vəliyev sentyabrın 18-də oğlu, 1985-ci il təvəllüdlü Əmişağa Vəliyevin itkin düşməsi barədə Binəqədi Rayon Polis İdarəsinin (RPİ) 6-cı Polis Bölməsinə (PB) müraciət edib.
O bildirib ki, özü ilə eyni ünvanda yaşayan oğlu Ə.Vəliyev iyulun 9-da, saat 10:40 radələrində Binəqədi rayonu, Biləcəri qəsəbəsi, Yeni yaşayış massivində işlətdiyi “Zambaq” kafesinə getmək adı ilə yaşadığı evdən çıxaraq bir daha geri qayıtmayıb.
Faktla bağlı Binəqədi RPİ-nin 6 PB-də araşdırma aparılır.
Short URL: http://www.cumhuriyyet.net/?p=133338
