Bu barədə Lent.az-a Səhiyyə Nazirliyinin mətbuat xidmətindən bildirilib ki, körpə hipotermik vəziyyətdə (34 dərəcə istiliklə) Pediatriya İnstitutuna gətirilib:

“Uşağın vəziyyəti ağır olub, qanı təmizlənib və bütün tibbi yardımlar göstərilib. Hazırda vəziyyəti ağır kimi qiymətləndirilir”.

Qeyd edək ki, sosial şəbəkədə yayılan məlumata görə, uşaq qutunun içərisində yorğançaya bükülmüş vəziyyətdə tapılıb.

Hadisə barədə hüquq-mühafizə orqanları məlumatlandırılıb.