Qəza 120 nəfəri qazsız qoydu
07.11.2019 - 17:45
Sabunçu rayonu Pirşağı qəsəbəsində 2 saylı sovxozun ərazisində avtomobil qəzası baş verib.
Bu barədə “Cümhuriyyət”ə “Azəriqaz” İB-in mətbuat xidmətindən məlumat verilib. Bildirilib ki, Opel markalı minik avtomobili ilə toqquşan Mersedes markalı avtomobili yoldan çıxaraq qaz tənzimləyicisinə çırpılıb. Həm tənzimləyici, həm də qaz xətti ilə siyirtmə yararsız hala düşüb.
Hadisəyə görə 120 abonentin qaz təminatı müvəqqəti olaraq dayandırılıb. Bərpa işləri görülür.
Short URL: http://www.cumhuriyyet.net/?p=136098
